Der 25ter yuli – Der Internatsyonaler Tog fun Solidaritet mit Antifashishtishe Gefangener (#j25antifa)

Zint dem letstn 25tn yuli, der Internatsyonaler Tog fun Solidaritet mit Antifashistishe Gefangener, iz der globaler kampf kegn dem koshmar fun fashizm un di ekstrem-rekhte gevoksn un hot zikh fartift. In di nayes zet men kseyder barikhtn vegn di rasistishe un bigotishe onfaln, dos roydefn fun zhurnalistn, di demonizuring fun pleytim un navenadnikes un di hekherung, in numer un in gevald, fun organizirte fashistishe un ekstrem-rekhte grupes. A veltbanem fun natsyonalizm un fayntshaft farshpreyt zikh durkh der velt, vos makht fun gevise grupes kapore-hindlekh, un pruvt undz ale tsu makhn grenets-gefangener. 

Geshikhte

Der Internatsyonaler Tog fun Solidaritet mit Antifashistishe Gefangener hot zikh ongehoybn in yor 2014 vi a Tog fun Solidaritet mit Jock Palfreemanen – an oystralisher vos zitst oys a shtrof fun 20 yor in Bulgarye tsulib dem vos er hot farteydikt tsvey tsigayner (mener fun der Romani kehile) ven fashistishe fusbol-khuliganes hobn zey bafeln. Tsum glik iz Palfreeman itst parolirt, nokh oyszesn 11 yor fun zayn shtrof, ober es zaynen do nokh alts hunderter mentshn vos blaybn in tfise tsulib shteln zikh akegn fashizm un sine.

Jock Palfreeman.

Tsulib dem iz der 25ter yuli azoy vikhtik; der Internatsyonaler Tog fun Solidaritet mit Antifashistishe Gefangener hot vi a tsil oystsushtrekn di hent ariber di grenetsn un tsu boyen an internatsyonaln opruf kegn fashizm. Durkh ophaltn an unternemung, shafn gelt oder zikh vidmen an aktsye lekoved di dozike khaveyrim, kenen mir af eyn mol farshtarkn undzere lokale bavegungen – durkh farzikhern az di vos hobn ongenumen trit optsuhitn undzere kehiles kegn der fashistisher sakone vern keyn mol nit fargesn – un oykh bashafn di farbindungen fun a mekhtiker internatsyonaler solidaritet vos ken aribershtaygn i grenets, i tfise-vent.

Hayor veln Antifa International un der Internatsyonaler Fond far Farteydikn Antifashistn organizirn un reklamirn kampanyes un unternemungen vegn dem Internatsyonaln Tog fun Solidaritet mit Antifashistishe Gefangener. Mir betn bay antifashistn iber der gantser velt: Af dem 25tn yuli, zolt ir vayzn solidaritet mit antifashistishe gefangener – say di khaveyrim vos zitsn shoyn lange yorn in tfise, say di vos hobn nor vos ongehoybn zeyere shtrofn, un say di vos vartn nokh alts af protsesn. Di frayhayt vos zey hobn farloyrn durkh farteydikn undz, muzn mir nitsn, un farteydikn zey!

Create your website with WordPress.com
Get started
%d bloggers like this: